Унэ бабыщхэр (лат-бз. Anas domestica) — илъэс минищ хуэдизкӀэ узэӀэбэкӀыжмэ губгъуэбабыщыр унэм ирагъасэу къытехъукӀыжа лӀэужьыгъуэхэращ.
КӀэцӀын яублэ мази 6-7 ныбжьым итхэу. Гъэм къакӀэцӀ джэдыкӀэ 90-130. Цы япхъыж мазытӀым нэскӀэ. Ар зэраухыу кӀэцӀын яублэж. Я джэдыкӀэхэм къашэч г. 85-90. Къраш жэщмахуэ 27-28-рэкӀэ. Бабыщыхъухэм къашэч ч. 3-4, анэхэм 2-3,5. Унэбабыщхэр зэщхьэщагъэкӀ лыпхъэрэ ягъэкӀэцӀхэрэу. Япэрейхэм ящыщэу ди къэралым нэхъыбэу щагъэхъу бабыщхужьхэмрэ абыхэм къытрагъэхъукӀахэмрэщ. ДжэдыкӀэ хьисэпкӀэ зэрахуэр инд бабыщ жэрхэращ. Апхуэдэ зым Аустралиэм щекӀуэкӀа зэпеуэм 1927-рэ илъэсым джэдыкӀэ 366-рэ къикӀэцӀри сыт хуэдэ къуалэбзу лӀэужьыгъуэмкӀи дунейпсо рекорд игъэувауэ щытащ.
- Брат Хьэсин. Адыгэхэм я къуалэбзу щӀэныгъэр. Черкеск къ. 2007 гъ.