Адыгэ нып

Адыгэ лъэпкъым и нып — иджырей зэманым Хасэхэм, лъэпкъыгъуэхэм, Адыгейм джоуэ я ныпу щыт.

2011 гъэм щыкӀэдзауэ адыгэ лъэпкъым мэлыжъыхьым и 25 махуэр адыгэ ныпым и маху траӀуа.

ЗэфӀэтыкӀэр

Ныпым и теплъэр плӀимэ хуэкӀыхь удзыфу щит, бгъуагъымрэ кӀыхьагъымрэ зэрзэхущытыр — 2:1. Езы ныпым и кӀуэцӀым дышъэ вагъуэ пшъыкӀутӀрэ чищ зэтелърэ я пэхэмкӀэ дэгъэзеяуэ тет.

Тетым и мыхьэнэр

Вагъуэ пшъыкӀутӀым адыгэ лъэпкъ пшъыкӀутӀыр ягъэлъагъуэ, чищым ягъэлъагъуэр адыгъэпщ лъэкъуищ нэхъ жъыдыдэхэра, зэтелъу (зэрыдзауэ) зэрщытхэр — зэрзэкъуэтхэра. Удзыфэм игъэлъагъуэр — дунеир, гъашъэр, адыгэ хэкур джоуэ.

ПэмыкӀ гурыӀуэгъуэхэмкӀэ — чищыр Лъэпшъ и цӀэкӀэ ныпым хагъэхьауэ къоӀохур.

Тхыдэр

Уркуарт Девид

Зы хъыбарым къызэриӀохумкӀэ ныпыр тыркум и пэштыхьым и фызым (адыгэ лъэпкъым къыхэкӀа) езым иӀэкӀэ хидыкӀауэ къыхокӀыр, ныпым и тхыпхъэр Шотлэндым щыщ Уркуарт Девидым и Ӏэшъагъу пэштыхьфызым ӀэкӀэхьауэ.

ЕтӀуанэ хъыбарымкӀэ ныпыр езы Уркуартым ишъри адыгэхэм яӀэкӀигъэхьа XIX лъэхэнэм и 36 гъэм.

А ныпыр адыгэ лъэпкъым я хуитыныгъэ пэщытыным Урыс-Адыгэ зауэм нэхъ лъэш ишъын хуейт, абым шъхьэкӀэ Британиэшхуэм (гугъэ зиӀэтэми Урысейми хуэду Адыгэ Хэкур зыӀэкӀигъэхьэну) и унафэкӀэ ныпыр ишъат Уркуартым.

Last edited 6 years ago by YiFeiBot

ТехьэпӀэхэр

• ДжэгуакӀуэ.com Ныпым къызхэкӀам и хъыбархэр
• Адыгэныпым и сайтыр
• Къэрэшей-Шэрджэсым и Адыгэ Хасэ сайт. Адыгэ ныпым теухуа тхыгъэ