КӀыру

КӀыру
ЩӀэныгъэ хэкӀыгъэхэр
Лъэпкъышхуэ: Псэушъхьэхэр Типхэр: Кордэхэр Тип къуэдзэ: ДжабэрыӀэхэр ХэкӀ: Къуалэбзухэр ХэкӀыгъуэ: Унэбзу хэкӀыгъуэр Лъэпкъ: Бзупэгъум лъэпкъыр Лъэпкъыгъуэ: БзущӀэращӀэхэр ЛӀэужъыгъуэ: КӀыру
Латин цӀэр
Carduelis flavirostris Linnaeus, 1758
Систематикэ УикилӀэужьыгъуэм Сурэтхэр Уикисурэтылъэм ITIS 559047 NCBI 90717

КӀыру (лат-бз. Carduelis flavirostris) — унэбзу хэкӀыгъуэм, бзупэгъум лъэпкъым щыщщ.

Carduelis flavirostris

Теплъэр

Я теплъэкӀэ кӀырур бзухьэкӀэм ещхьщ. И кӀыхьагъыр см. 13-щ хуэдизщ. БзухьэкӀэхэм ялъытамэ я бгъэм ӀэпапӀэ плъыжьхэр хэскъым. И пкъы псом гъуабжэ кусэхэр ирокӀуэ. И щӀагъымкӀэ нэхъ нэху мэхъур, хужьыфэм нэсу. И пэр гъумщ, щӀымахуэм гъуэжьыфэщ, гъэмахуэм щӀыхущ.

Здэпсэухэр

Еуропэм и ищхъэрэ лъэныкъуэхэмрэ Азиэ Курытымрэ щогъуалъхьэ. ЛӀэужьыгъуэм и Ӏэхьэ гуэрэ лъэтэжкъым, ауэ я нэхъыбэр мэӀэпхъуэ ипщэ лъэныкъуэм хы Ӏуфэ хуэбапӀэхэм. Здигъуалъхьэхэр тафэ нэщӀ псыпцӀэхэм, абгъуэр чыцэм щащӀщ.

ЛӀэужьыгъуэ къуэдзэхэр

• Acanthis flavirostris flavirostris - Еуропэм щыщ (Скандинавиэ, Лапландиэ)
• Acanthis flavirostris brevirostris - Каукъазым щыпсэу (Къаукъаз, Къажэрым и ищхъэрэ-къухьэпӀэ лъэныкъуэ, Азиэ ЦӀыкӀу)
• Acanthis flavirostris korejevi - Азиэ Курытымрэ Ипщэ Сыбырымрэ.
• Acanthis flavirostris kirghizorum - Къазахъстэным и щӀыпӀэ Хы Каспийрэ Хы Аралымрэ я зэхуакум дэлъыр, щӀымахуэр Туркменистэным щырехщ.
• Acanthis flavirostris pamirensis - Памир къущхьэхэм щыпсэу.
• Acanthis flavirostris montanella - Азиэ Курытым и къуэкӀыпӀэ лъэныкъуэм зиубгъуа.
• Acanthis flavirostris altaica - Монголым и ищхъэрэ-къухьэпӀэ лъэныкъуэм къыщыщӀэдзауэ ипщэ Алтайм нэс щопсэу.

Тхылъхэр

• Брат Хьэсин. Адыгэхэм я къуалэбзу щӀэныгъэр. Черкесск. 2007 гъ.