Интерстеллэр
| Интерстеллэр | |
| Interstellar | |
| Жанр |
щӀэнгъуазэ фантастикэ |
|---|---|
| Режиссор |
Кристофер Нолан |
| Продусер |
Кристофер Нолан, |
| Зыхэзылъхьар |
Джонэтэн Нолан, |
| Оператор |
Хьойте Ван Хьойтемэ |
| Композитор |
Хьанс Циммер |
| Нэхъыщхьэу хэтхэр |
Меттиу МакКоннаухи, |
| Кинокомпаниэ |
Paramount Pictures, |
| ЗэрекӀуэкӀыр |
169 дакъикъэкӀэ |
| ТрагъэкӀуэдар |
165 000 000 доллару |
| Къэрал | |
| Бзэ | |
| Гъэ | |
| IMDb | |
.svg){kind=small}
Интерстеллэр (ин-бз. Interstellar — «Вагъуэ зэхуаку») — режиссор Кристофер Нолан триха щӀэнгъуазэу фантастикэ филм, Джонэтэн Ноланрэ Кип Торнрэ зэхэлъхьа тхыдэм къыхэкӀыу. Кинор топсэлъыхь хьэршым лъэта лъыхъуакӀуэ гупым, зэман-утыку зекӀуапӀэ къагъуэтахэмкӀэ цӀыхум хьэршым хузэфӀэмыкӀын зэхуакушхуэхэр абыкӀэ къракӀухьыну хуежахэм. Кином и тхыдэр зэхэзылъхьар Крстофер Нолан и къуэш Джонэтэн Ноланщ, абы тхыгъэ зэхилъхьар къызэтехъукӀар Кип Торн и щӀэнгъуазэ лэжьыгъэ физикэ теориэхэращ.[1]
Кино техын Ӏуэхухэр япэ щӀыкӀэ студиэ Paramount Pictures-рат щӀэздзар, ауэ зэкъуэш Ноланхэм кином елэжьын щӀадза иуж, абыхэм я кинохэр къыдэзыгъэкӀ хабзэу щыт Warner Bros. кином ахэм ягъусэу елэжьын щӀидзащ. Езы кинор тезыхар Syncopy и Lynda Obst Productions компаниэхэращ. Оператор папщӀэу кином елэжьащ Хьойте Ван Хьойтемэ. Комрозитору уващ Кристофер Нолан и еуж кинохэм елэжьа Хьанс Циммер.
Кинор трахащ 2013 гъэм и етӀуанэ Ӏыхьэм, Алберт провинциэм (Канадэ), Лос-Анджелес (АШЗ), Ислэнд и ипшэ щӀыпӀэхэм.
Жэпуэгъуэм и 27-м кином и япэ гъэлъагъуэхэр щӀадзащ, дунейм и къалэ нэхъ ин хахахэм. ЩакӀуэуэгъуэм и 5, кином дунейпсо гъэлъэгъуэныр щӀидзащ.
Зэтеухуар зэгъэзэхуэжын
Ди лъахъэнэм икухэм къэхъуа гъушапӀэшхуэм, цӀыхухэр шхынкӀуэд кризис бжэӀупэм деж Ӏуигъувахэщ. ЦӀыхухэм а гъей къэкӀуам къыхэкӀыу, дунейм текӀуэдыкӀыжын щӀадзэ. Абы къэхэкӀыу, хьэршым ди щӀылъэм пэмыжыжэу Ӏэзэхэм къыщагъуэта зэман-утэку зекӀуэпӀэр къагъэсэбэпу, цӀыхухэм гугъэ ящӀ абы илъэтыкӀыу нэгъуэщӀ дуней ущыпсэу хъун къыщагъуэту Ӏэпхъуэнухэу. Дуней ущыпсэу хъунхэр къалъыхъуэну хьэршым ягъэлъатэхэр астронавт гуп.
Нэхъыщхьэу хэтхэр зэгъэзэхуэжын
.jpg)
- Меттиу МакКоннаухи — Купер
- Энн Хьетеуей — Амелиэ Бранд
- Джессикэ Честейн — Мёрф
- Маккензи Фой — Мёрф (сабийуэ)
- Эллен Бёрстин — Мёрф (жьыуэ)
- Кейси Аффлек — Том
- Тимоти Чаламет — Том (сабийуэ)
- Уиллиам Дивайн — Том (жьыуэ)
- Майкл Кейн — профессор Бранд
- Уес Бентли — Дойл
- Дэвид Гиаси — Роммили
- Джон Литгоу — Доналд
- Тофер Грейс — Гетти
- Дэвид Ойелоуэ — директэр
- Элиес Габел —
- Коллет Вулф — мисс Келли
- Леа Кейрнс — Лоис
- Ленэ Георгас — Ниурз
- Билл Ирвинс — ТАРС (макъкӀэ)
- Джош Стиуарт — КЕЙС (макъкӀэ)
Зэрелэжьар зэгъэзэхуэжын
Кином елэжьын щӀадзащ 2006 гъэм и бадзэуэгъуэм, студиэ Paramount Pictures-рэ Стивен Спилебргрэ, Кип Торн и теориэхэм теухуауэ кино трахыну щыжаӀам щыгъуэ.
2007 гъэм и гъатэпэ мазэм, Джонэтэн Нолэн кином и тхыдэр зэхилъхьэн щӀидзащ, ауэ кинор илъэс куэдкӀэ зэхалъхьэн пӀэм икӀакъым, Стивен Спилберг кинор трихыну зэрыхущӀегъуэжам щхьа.
2013 гъэм и пэщӀэдзапӀэм Кристофер Нолан епсэлъэн щӀидзащ Paramount Pictures Warner Bros. студиэхэм кином и режиссору зэрагъэувыным теухуауэ. МазитӀ дэкӀа иуж ар кином и режиссору ягъуващ.
Езы кинор трахын щӀадзащ 2013 гъэм шыщхьэӀум и 6-м, Канадэм и Албертэ провинциэм. Абы иуж кинор трахын пащащ Ислэндым и ипшэ-къухьэпӀэ щӀыпӀэхэм. ИтӀанэ Лос-Анджелес кинор трахын щаухащ 2013 гъэм и дыгъэгъазэ мазэм.
Дыгъагъазэм и 14-м кином и япэ тизер къыдэкӀащ, кинор зэтеухуауэ щытынур къыхигъэщу.
Жэпуэгъуэм и япэ махуэм кином и ещанэу еуж трейлерыр къыдагъэкӀащ. Абы иуж кинор къызэрыдагъэкӀынум и Ӏуэхухэр зэрахуэн щӀадзащ.