Ахын

Адыгэхэм чырыстан диныр къахэмыхьэзэ тхьэу яӀагъэмэ ащыщ. ЫужыкӀэ былымхэмкӀэ ухъумакӀоу алъытэу рагъажьэ. Енэгуягъо, ижъкӀэ былымхэм ямызакъоу адыгэ шапсыгъэ лъэпкъым итхьагъэкӀэ. Джыри Шапсыгъэ щызэхэпхыщт "Ахын ытамэ тычӀэсэу тэпсэу"; "Ахын иӀэмыркӀэ тэтхъэжьы". Ащ нэмыкӀэу "Ахын там" зыцӀэ чылэ ХыӀушъо Шапсыгъэм ит. Ахын цӀыфышъо сурэт иӀагъэу къэзыӀорэ ӀорыӀуатэхэри щыӀэх. Пчэн къарэхэр къурмэнэу фышӀуабзыщтыгъэх. Ау нахьыбэу Ахын гущыӀэр зэпхыгъэу къэнэжьыгъэр къурмэныпхъэу ежь-ежьырэу зыкъэзгъэнафэщтыгъэ чэмыр ары. Ащ зэреджэхэрэр "Ахынэ ичэм лъэрыкӀу". КъызэраӀотэжьрэмкӀэ, Ахын ичэм бжыхьэрэ Ӏэхъогъум ежь- ежьырэу зыкъыхигъэщыщтыгъ къурмэныпхъэу (изекӀуакӀэкӀэ, ибыукӀэкӀэ). Чэмыр щэкӀэ агъэпскӀыщтыгъ. ЕтӀанэ ар Ӏэхъогъум хафти, ежь-ежьырэу къурмэн зыщашӀыщт чӀыпӀэм кӀощтыгъ. Ащ цӀыфхэр ыуж итэу кӀощтыгъэх, ау афыщтыгъэп. Къурмэн зыщашӀрэ чӀыпӀэр Щэхашъхьэ дэжь щытыгъэ мэз чӀэгъышхор ары.