Мухьэррам

Мухьэррам (хьэр-бз. محرّم) — муслъымэн махуэгъэпсым и япэ мазэ. Пэубыда мазиплӀым ящыщ зы мазэ.

Мазэм и лъапӀагъыр ялъытауэ щтащ бехъымбар Ибрахьим, щыпсэуа зэманхэм щыгъуэ, абы иужь Мэчэ дэс хьэрыпхэми а мазэм и лъэпӀагъыр пэжыу ябжыу щытащ Муслъымэн диныр къемыжьэ щӀыкӀэ. Мы пэубыдэ мазэм, хьэрып джэурхэр куэдрэ зэзауэхэми, мазэр къихьа иужь я зауэӀуэхухэр къагъэнэнхэу хуейт.

Мухьэррам мазэм муслъымхэм ягъэзащӀахэм ящыщщ:

Мухьэррам нэщӀ.
АшрыӀ.
Шитхэм я хьэдагъэ махуэ, цӀыху лъапӀэу ялъытэ Хъусейн ибн Алий зэраукӀам теухуауэ.

ЗэрыжаӀыжымкӀэ Мухьэмэд Бехъымбарым (с.а.у.) жиӀауэ щтащ — НэщӀ мазэм иуж, нэхъ берычэту ущынэщӀ хъуну мазэу щытыр, Аллыхьым и мазэшхуэ мухьэррамырауэ.

Мазэм къэхъуахэр

Япэ махуэ

ХьэжрэтымкӀэ ИлъэсыщӀэ.

ЕпщӀанэ махуэ (АшрыӀ)

Ислъам диным зэрабжымкӀэ мухьэррам мазэм и епщӀанэ махуэм къалъхуахэу щтащ бехъымбар лъапӀэхэу Ӏэдэмрэ Ибрахьимрэ. Мухьэррам мазэм и епщӀанэ махуэращ дунейр къутэжыну щабжыри.

Нухь и кхъухьыр, Джуди бгым деж Шухьауэ щтащ.
Бехъымбар Ибрахьим мафӀэм хадзар къелауэ щтащ.
Бехъымбар Якъуб илъэс куэд дэкӀа иуж и къуэ Йусуф хуэзэжауэ щтащ.
Аллыхьым къригъэлауэ щтащ бехъымбар Мусарэ Исраелым и бынхэмрэ, мысыр фараоным и дзэр къащыкӀэлъыжэм.
Мухьэмэд Бехъымбар и къуэрылъху Хъусейн ибн Алий яукӀауэ щтащ.

16-нэ махуэ

Ерусэлим муслъымхэм я япэ къыблэу траухуауэ щтащ.

17-нэ махуэ

Эфиоп чылыстэнхэм я дзэшхуэ, Меккэ бгъуэдэхьахэу щтащ.

Махуэгъэпс

Ислъам махуэгъэпс	Япэ махуэр	Иуж махуэр
1431	Дыгъэгъазэм и 18, 2009 гъэ	ЩӀыщылэм и 15, 2010 гъэ
1432	Дыгъэгагъазэм и 7, 2010 гъэ	ЩӀыщылэм и 4, 2011 гъэ
1433	ЩакӀуэгъуэм и 26, 2011 гъэ	Дыгъэгъазэм и 25, 2011 гъэ
1434	ЩакӀуэгъуэм и 15, 2012 гъэ	Дыгъэгъазэм и 13, 2012 гъэ
1435	ЩакӀуэгъуэм и 4, 2013 гъэ	Дыгъэгъазэм и 3, 2013 гъэ
1436	Жэпуэгъуэм и 25, 2014 гъэ	ЩакӀуэгъуэм и 22, 2014 гъэ
1437	Жэпуэгъуэм и 14, 2015 гъэ	ЩакӀуэгъуэм и 12, 2015 гъэ
Мухьэррам мазэр 2010-2015 гъэхэм