Бзужэрхэр

Бзужэрхэр
Чыцэбзу
ЩӀэныгъэ хэкӀыгъэхэр
Лъэпкъышхуэ: Псэушъхьэхэр Типхэр: Кордэхэр Тип къуэдзэ: ДжабэрыӀэхэр ХэкӀ: Къуалэбзухэр ХэкӀыгъуэ: Унэбзу хэкӀыгъуэр Лъэпкъ: Вэд лъэпкъыр Лъэпкъыгъуэ: Бзужэрхэр
Латин цӀэр
Locustella Kaup, 1829
Систематикэ УикилӀэужьыгъуэм Сурэтхэр Уикисурэтылъэм ITIS 179848 NCBI 68487

Бзужэрхэр (лат-бз. Locustella) — вэд лъэпкъ хэкӀыгъуэщ.

Теплъэр

Я пкъым и кӀыхьагъыр см. 12-16. Я теплъэкӀэ гъуабжафэщ гуэжьыфэ къащӀэуэу, я бгъэмрэ тхыцӀэмрэ кусэ къэгъэшахэр хыболъагъуэ. Бзужэрхэр щӀылъэ къуалэбзущ, щылъатэр зэзэмызэ дыдэщ, уеблэмэ шынагъуэ гуэрэ къыкъуэкӀмэ къэкӀыгъэ Ӏувым холъэдэж. Я пкъыр хуэпӀащӀэу зэрыщытым ялъегъэкӀ зы удз цӀыкӀуи мыхъейуэ щызекӀуэнхэу, дзыгъуэм хуэдэу щызежэнхэу. Хъухэм емышыу уэрэд жаӀэ, макъ щабэ лъахъшэкӀэ цӀырцӀырым ем ещхьу.

Здэпсэухэр

Лъэпкъыгъуэм хыхьэ лӀэужьыгъуийри Урысейм щыӀэщ, тӀум — чыцэбзумрэ бзужэрымрэ — Ищхъэрэ Къауъказым уащыпэщӀэхуэнущ.

ЩӀымахуэр шрах Африкэмрэ Ипщэ Азиэмрэ.

Ӏусыр

Я Ӏусыр гъудэбадзэ, бэдж хэкӀхэращ.

ЛӀэужъыгъуэхэр

• Бзужэркусэ Locustella lanceolata
• Бзужэр Locustella naevia
• Locustella certhiola
• Locustella ochotensis
• Locustella pleskei
• Чыцэбзу Locustella fluviatilis
• Дзэлбзу Locustella luscinioides
• Locustella fasciolata

Тхылъхэр

• Брат Хьэсин. Адыгэхэм я къуалэбзу щӀэныгъэр. Черкесск. 2007 гъ.