Докъушыкъуей

Докъушыкъуей
Къэрал	Урысей
Республикэ	Къэбэрдей-Балъкъэр
Муниципал куей	Аруан
Къуажэ жылагъуэ	Докъушыкъуей
Кординатхэр	Кординатхэр: 43°28′20″ с. ш. 43°51′22″ в. д. / 43.472222° с. ш. 43.856111° в. д. (G) (Я)43°28′20″ с. ш. 43°51′22″ в. д. / 43.472222° с. ш. 43.856111° в. д. (G) (Я)
Къуажэ жылагъуэм; и тхьэмадэр	Мырзэ Къэшиф и къуэ Хьэчим
Щаухуар	1640 гъэращ
И инагъыр	59 км²
Курыт лъэгагъыр	404 м
Жылэр	↗ 6 631 цӀыхуу (2016)
Ӏувагъыр	112 цӀыху/км²
Лъэпкъхэр	адыгэхэр
Динхэр	муслъымэн-суннэтетхэр
Дэсхэм зэреджэр	докъушыкъуейхэр
Зэманыгъуэр	UTC+3
Телефоным и кодыр	+7 86635
Почтэ индексыр	361 325
Автом и кодыр	07
ОКАТО	83240000010

Докъушыкъуей (урбз. Старый Черек) — Аруан куеим хыхьэ къуажэ.

Хэкумэтх

Къуажэр Аруан куеим и дыгъэкъуэкӀыпӀэмкӀэ гъэзащ, Шэрэдж и ижь лъэныкъуэмкӀэ кӀэрысу. Къуажэм щыщӀэдзауэ къедзыгъуэ къалащхьэ Нарткъалэ нэс 15 км дэлъщ, Налшык къалэ нэс 23 км дэлъщ. Къуажэм пхырокӀ федералнэ гъуэушхуэ «Кавказ».

Къуажэ нэхъ пэгъунэгъухэр — Псыгуэнсу, Аруан, Ишхъэрэ Къуэжьыкъуей, Къуэжьыкъуей.

Къуажэр джабащхьэм тесщ. Джабэр япэм Шэрэдж къиуху гуилъэсыкӀти, абы щхьа псым и ижь лъэныкъэуэм дамбэ ӀуащӀыхьащ. Псым и сэмэгу лъэныкъуэмкӀэ мэз цӀыкӀу «Ныджэ» иӀэщ.

Къуажэм и ику лъагагъыр 375 метрэкӀэ хы Ӏуфэм къыщхьэщокӀ.

Тхыдэ

Яухуауэ щабж гъэр — 1640 гъэращ. Къуажэр зыухуар Къэбэрдейм пщӀэщхуэ зиӀэу щыта Докъушыкъуэ пшыхэращ.

1920 гъэм советхэм къэралыр яубыда иуж, къуажэм и цӀэр яхъуэжащ, пщым и цӀэр зэрызэрихьэм щхьа. Абы къыхэкӀыу къуажэм фӀащащ цӀэщӀэ Старэ Шэрэдж. Ауэ къужэдэсхэр къуажэм иджыри зэреджэр Докъушыкъуейщ.

1944 гъэ хухъу Аруан куейм и къэлащхьэу щытащ.

Жылэ

ЦӀыху бжыгъэр
2010^[1]	2012^[2]	2013^[3]
6 203	↗ 6 314	↗ 6 324

Жылэ дэсым и Ӏувагъыр — 112 цӀыху/км²

Лъэпкъ дэсхэр (2010 гъэ)^[4]

Лъэпкъ	ЦӀыху бжыгъэр	Ӏыхьэр %
адыгэхэр	6 145	99,1 %
адрейхэр	58	0,8 %
псори	6 203	100 %

ЕджапӀэхэр

Курыт еджапӀэ № 1
Курыт еджапӀэ № 2
Курыт еджапӀэ № 3
КъБАПЛ
ПэщӀэдзэ еджапӀэ сабий сад № 1
ПэщӀэдзэ еджапӀэ сабий сад № 2
ПэщӀэдзэ еджапӀэ сабий сад № 3

Сымаджэщ

Зы сымаджэщ дэтщ

Дин

МэжджытитӀ дэтщ

Экономикэ

Къуажэм пхъащхьэмыщхьэ щӀапӀэ куэд иӀэщ. Губгъуэхэр гъэхуауэ къагъэсэбэп. ХадэхэкӀхэр щащэну бэзэрищ щыухуащ.

Къуажэм предприятиеу щы дэтщ. Шэрэдж псыхъуэм мывэ захуэ дэлъхэр даш. Псыхъуэм аткӀэ фӀэмыщӀ щӀым къыщыщӀах.

ЦӀэрыӀуэ къыщыхъуахэр

КӀуащ Ибрахьим и къуэ БетӀал (1920-1957) — адыгэ цӀэрыӀуэ тхакӀуэ.
Иуан Талиб и къуэ Хьэсэн — Совет Зэхэтым и Герой.

Гулъытэгъуэ

ТехьэпӀэхэр

Аруан куей сайтым къуажэм и напэкӀуэцӀ

[1] Урысей псо жылэ ис къэбжын 2010-гъэм ирагъэкӀуэкӀам къыхэкӀыу

[2] Урысейм и муниципалнэ къэгъэхъуахэм 2012-гъэм ЩӀышылэм и 1-м ирихьэлӀэу жылэ дэсахэр

[3] Урысейм и муниципалнэ къэгъэхъуахэм 2013-гъэм ЩӀышылэм и 1-м ирихьэлӀэу жылэ дэсахэр

[4] Ещанэ том. ЕплӀанэ таблицэ. Къэбэрдей-Бэлъкъэрым джылэ исыр лъапкъыгъуэкӀэ зэрыугуэшар, Урысей псо джылэ ис къэбжын 2010-гъэм ирагъэкӀуэкӀам къыхэкӀыу

[1]

[2]

[3]

[4]