Къуаргъкъащхъуэ

Къуаргъкъащхъуэ
ЩӀэныгъэ хэкӀыгъэхэр
Лъэпкъышхуэ: Псэушъхьэхэр Типхэр: Кордэхэр Тип къуэдзэ: ДжабэрыӀэхэр ХэкӀ: Къуалэбзухэр ХэкӀыгъуэ: Къуаргъкъащхъуэ хэкӀыгъуэр Лъэпкъ: Къуаргъкъащхъуэ лъэпкъыр Лъэпкъыгъуэ: Къуаргъкъащхъуэхэр ЛӀэужъыгъуэ: Къуаргъкъащхъуэ
Латин цӀэр
Coracias garrulus Linnaeus, 1758
И щӀыпӀэр
здигъуалъхьэр     щӀымахуэр здырих
Систематикэ УикилӀэужьыгъуэм Сурэтхэр Уикисурэтылъэм ITIS 554518 NCBI 188338

Къуаргъкъащхъуэ (лат-бз. Coracias garrulus) — къуаргъэкъащхъуэ лъэпкъым щыщ лӀэужьыгъуэщ.

Coracias garrulus

Теплъэр

Щхьэри ныбэ щӀагъри къащхъуэщ, тхыцӀэмрэ дамащхьэмрэ гъуэщ, тхыцӀэм щыщ Ӏэхьэмрэ кӀащхьэмрэ морафэщ. Бжыхьэм зехъуэж: щхьэр гъуабжэ-удзыфэщ, тхыцӀэр гъуабжэ фӀейфэ мэхъу, я бгъэм ятӀагъуафэ къытолъадэ.

Здэпсэухэр

Щопсэу Еуропэм, Азиэм, Африкэм и ищхъэрэ-къухьэпӀэм. ЩӀымахуэр щрех Африкэм и ипщэ лъэныкъуэм. Ищхъэрэ Къаукъазым куэду уащыхуозэ губгъуэхэм, псыхъуэхэм, мэз лъапэхэм, жыг хадэхэм, паркхэм. ГупкӀэрэ къолъэтэж мэлыжьыхьым икухэм. Абгъуэ щащӀ нэпкъыщхьэ задэхэм, къуэхэм, зэзэмызэ — жыг гъуанэхэм. БжыхьэкӀэм мэлъэтэж.

Ӏусыр

Нэхъыбэу яшхыр псэущхьэщ: лъэгущӀэуэ, пкӀауэ, мацӀэ, цӀыв. Зэзэмызи шындырхъуо, хьэндыркъуакъуэ, дзыгъуэ жьгъейхэр. Бжыхьэпэм пхъащхьэмыщхьэ яшх, ауэ абыкӀэ зэран ин ирахкъым жыг хадэхэм.

Тхылъхэр

• Брат Хьэсин. Адыгэхэм я къуалэбзу щӀэныгъэр. Черкеск къ. 2007 гъ.