Фолклэнд тӀыгухэр

Фолклэнд тӀыгухэр (ин-бз. Falkland Islands, исп-бз. Islas Malvinas) — Ипшъэ Америкэм хэт къэрал. Къалэ нэхъыщхьэр — Стенли. Къэралым хеубыдэр хы тӀыгу зэкъом. Хы тӀыгухэр Атлантикэ хышхуэм и ипшэ лъэныгъуэмкӀэ гъэзахэщ. ЩӀыпӀэр Британиэшхуэм и хамэ щӀыпӀахэм язщ. Ауэ щӀыпӀэр Архентинэм и ейуэ ебж.

Фолклэнд тӀыгухэр ин-бз. Falkland Islands исп-бз. Islas Malvinas
Фолклэнд тӀыгухэм и нып Фолклэнд тӀыгухэм и дэмыгъэ 51.683333, 59.166667
Гоуидзэр: «"Song of the Falklands (Фолклэндхэм я уэрэд)"»
Къэрал уэрэд: «God Save the Queen» ( едэӀун (info))
Щыхалъхьар	1833
Нэхъышъхьэбзэхэр	инджылыбзэ
Къалэ нэхъышъхьэр	Стенли
Къалэ нэхъ инхэр	Стенли
ӀэнатӀэ хабзэр	конституциэ пэштыхьей
Пэштыхьэ Генерал-губернатор Премьер-министр	Елизавета II Сандрэ Тайлер-Хьейвуд Дэвид Кемерон
ШӀыпӀэр • Псори	12 200 км²
Къэралым и джылэр • ЗэралъытэмкӀэ (2012) • Ӏувагъыр	2,932 цӀыху 0,24 цӀыху/км²
ВКӀуП   • КъыхэкӀыр (2007)   • Зы цӀыхум къытехуэр	$164.5 миллиуан  (222-нэ) $55 400
Сомыр (Валутэр)	Фолклэнд фунт (FKP)
Интернет-доменхэр	.fk
Телефон кодыр	+500
Зэманыгъуэхэр	-4
Фолклэнд тӀыгухэр Уикисурэтылъэм

Хэкумэтх

Фолклэнд тӀыгухэм хеубыдэ хы тӀыгу ину тӀурэ, нэхъ цӀыкӀуу 776-рэ. Архипелагыр Ипшъэ Америкэм и дыгъэкъуэкӀыпӀэ лъэныкъуэмкӀэ 463 километркӀэ ӀугъэзыкӀащ.

И инагъыр — 12 200 км² мэхъу. Хы Ӏуфэм и кӀыхьагъыр 1 300 км нос.

Нэхъ Ӏэта дыдэу иӀэ пӀэр — бгы Усборн (705 м), ар хы тӀыгу ДыгъэкъуэкӀыпӀэ Фолклэндым тетщ.

Хы тӀыгухэм псы ежэх ин яӀэхэкъым, ауэ псы жьгъей куэд яӀэхэщ.

Нэхъ ин тӀыгухэр:

№	Хы тӀыгухэр (адыг.)	Хы тӀыгухэр (инджыл.)	Хы тӀыгухэр (эсп.)	Инагъыр, км²	Жылэ, цӀыху (2006)
1	Баррен	Barren Island	Isla Pelada	11,5
2	Бивер	Beaver Island	Isla San Rafael	48,56
3	ДыгъэкъуэкӀыпӀэ Фолклэнд	East Falkland	Isla Soledad	6605	2786
4	Джордж	George Island	Isla Jorge	24
5	ДыгъэкъухьэпӀэ Фолклэнд	West Falkland	Isla Gran Malvina	4532	127
6	Каркасс	Carcass Island	Isla del Rosario	18,94
7	Кеппел	Keppel Island	Isla Vigía	36,26
8	Лайвли	Lively Island	Isla Bougainville	55,85
9	Нью Айлэнд	New Island	Isla de Goicoechea	11,81
10	Пеббл	Pebble Island	Isla Borbón	103,36
11	Саундерс	Saunders Island	Isla Trinidad	131,6
12	Спидуелл	Speedwell Island	Isla Águila	51,5
13	Уедделл	Weddell Island	Isla San José	265,8

ТӀыгухэм щопсохэ куэду — вымпӀухэр, албэтросхэр, нэгъуэщӀ бзухэр. КъэӀэпхъуа колонизаторхэм къыздашауэ хы тӀыгум бжэн куэд щыӀэщ.

Хы Ӏуфэхэм деж зэмылӀэужыгъуэ хы къэкӀыгъэрэ псэущхьэ куэдрэ хэсхэщ.

Тхыдэ

ТӀыгухэр 1591 гъэм къызэӀуихауэ ябж инджылыз хырыс Джон Девис. Ауэ эспанхэми япэу хы тӀыгухэр зэӀуахахэу ябж. ЦӀыху а зэманхэм абы щыпсоуахэкъым.

Зэман зэманкӀэ Британиэшхуэмрэ Испанымрэ хы тӀыгухэр зэӀапаххэу щытащ, ауэ щхьэжи щӀыпӀэр и ейуэ ибжыжт.

1982 гъэм хы тӀыгухэм щхьа инджылыз-архентинэ зауэ къэхъеящ. Архентинэм хы тӀыгухэр зэпиубыдыжыпэн щхьа мэлыжьыхым и 2, хы тӀыгухэр иубыдащ. Абы къыхэкӀыу Британиэшхуэм хы тӀыгухэм я деж ӀэщэкӀэ ухуа кхъухьышхуэ игъэкӀуащ, къэрукӀэ хы тӀыгухэр яубыдыжын щхьа.

Зауэр иухащ Архентинэ хэнэу, ауэ иджыри къыздэс хы тӀыгухэр и ейуэ ебж.

Иджырей зэманым хы тӀыгухэм щхьа Британиэшхуэмрэ Архентинэмрэ иджыри зоныкъуэкъухэр.

Британиэм хы тӀыгухэм абы къыхэкӀу и дзэхэр нэхъыбэ щещӀ. Абы къыхэкӀыуи Архентинэр нэхъри йоныкъуэкъу Британиэшхуэм.

Жылэ

Жылэ ис бжын 2012 гъэм ирагъэкӀуэкӀам къызэрыхэкӀкӀэ Фолклэнд хы тӀыгухэм щыпсо цӀыхухэр 2 932 мэхъухэ. Абы щыщу къалащхьэ Стенли 2 115 цӀыхур дэсщ.

Нэхъыбэу щыпсо лъэпкъхэр — инджылызхэр, шотландхэр, ирландхэр, норвегхэр, эспанхэращ.

ЦӀыху исым и нэхъыбапӀэр инджылыбзэкӀэ мэпсалъэхэ, эспаныбзэкӀэ псалъэ куэди щопсо.

1931 — 2392 чел. 1946 — ↘ 2239 чел. 1953 — ↘ 2230 чел. 1972 — ↘ 1957 чел. 1980 — ↘ 1813 чел. 1986 — ↗ 1916 чел.

1991 — ↗ 2091 чел. 1996 — ↗ 2564 чел. 2001 — ↗ 2913 чел. 2006 — ↗ 2955 чел. 2008 — ↗ 3140 чел. 2012 — ↘ 2840 чел.

Экономикэ

Фолклэнд тӀыгухэм я экономикэр нэхъ епхащ - бжэн зехуэным. ЗэрабжымкӀэ хы тӀыгухэм 500 000 бжэну щызэрахуэр. Абы нэмыщӀ бдзэжьей ещэным пщӀэщхуэ иӀэщ.

Хы Ӏуфэм деж фэтыджын щӀым къыщыщӀах.

Сурэтылъэ

• 
  Фолклэндхэм щыпсо пэштыхь вымпӀухэр
• 
  Фолклэнд тӀыгухэм я унэфэщӀым и унэр
• 
  ЩӀыпӀэм и зы къуажэ цӀыкӀу
• 
  ХыдэлъэдапӀэ Беркэлей
• 
  ДыгъэкъухьэпӀэ
• 
  Къэралым и аэропорт
• 
  Джабэ хы Ӏуфэ
• 
  Пшахъуэ хы Ӏуфэ